بعض الأطعمة يفضل لمريض حساسية الصدر إنه ياكلها وبتعتبر مفيدة لاستقرار حالته الصحية وتحسنها، ومن ناحية تانية فيه عدد من الأطعمة والمأكولات اللي يفضل الابتعاد عن تناولها لأنها ممكن تتسبب في تدهور الحالة وبدء نوبة حساسية.
💢 أولا: الأطعمة الممنوعة 💢
١) هناك عدد من الأطعمة المشهورة بإنها ممكن تسبب بدء نوبة حساسية صدر زي البيض واللبن والسمك والموز والفراولة لكن من الجدير بالذكر إن تأثير الأكلات دي بيختلف من شخص للتاني، يعني ممكن جدا مريض حساسية صدر ياكل سمك أو جمبري ومايحصلوش حاجه وواحد تاني مجرد ما ياكل ولو جزء صغير يبدأ يشتكي من نوبة حساسية.... وبالتالي فيه فرق بين جسم كل شخص والتاني علشان كده مهم إن كل مريض بحساسية الصدر يراقب حالته عند تناول أي نوع من هذه الأطعمة وخاصة عند الأطفال.
٢) الأطعمة اللي بتحتوي على مواد حافظة يفضل لمريض حساسية الصدر إنه يمتنع عن تناولها.
٣) الأكلات التي بتزود التهابات أو حموضة المعدة زي الشطة والبصل والثوم والمخلل والدسم والأحماض والشاي والقهوة والمشروبات الغازية يفضل أن يمتنع مريض حساسية الصدر عن تناولها لأن التهاب المعدة وزيادة الحموضة بها يعتبر واحد من أهم أسباب زيادة حساسية الصدر وعدم استجابتها للعلاج.
٤) المسكنات وبعض أدوية الضغط ممكن تكون سبب لبداية نوبة حساسية علشان كده لازم مراجعة الطبيب قبل تناول أي علاج.
💢 ثانيا: الأطعمة المفضلة 💢
١) الأطعمة الغنية بفيتامين ج (سي) زي الخضروات كالفلفل الأخضر والسبانخ والكرنب والخضروات الورقية، وبعض الفواكه زي الجوافة البرتقال، والأطعمة دي بتساعد في تقوية جهاز المناعة وتقلل الاصابة بأدوار البرد والزكام.
٢) الأطعمة الغنية بفيتامين دال والماغنسيوم.
٣) شرب السوايل بكميات كافية لأنها بتساعد على تقليل لزوجة البلغم وبالتالي سهولة طرده من الصدر، ومن أهم السوايل دي ورق الجوافة والتليو ولبان الدكر والعرقسوس، ويعتبر الليمون مع العسل من المشروبات المفيدة للكحة وحساسية الصدر في حال عدم وجود حموضة زائدة بالمعدة.
مع تمنياتنا لكم بدوام العافية والسلامة
#رئة_مصرية_سليمة_ونظيفة
#عيادة_دكتور_عمرو_أبوالحسن_المنشد
كسر الحجر - البلدوزر - برج طيبة الطبي - فوق مركز النيل - الدور الأول.
هاتف: ٠١١٥٣٦١٣٠٣٢
تعليقات
إرسال تعليق